BBC navigation

An kashe mutane bakwai a Ivory Coast

An sabunta: 21 ga Yuli, 2012 - An wallafa a 07:28 GMT

Dakarun Majalisar Dinkin Duniya a Ivory Coast

Wakilin Majalisar Dinkin Duniya a kasar Ivory Coast, Bert Koenders, ya ce an kashe akalla mutane bakwai a wani sansanin 'yan gudun hijira da ke karkashin kulawar dakarun kiyaye zaman lafiya na Majalisar.

Ya ce wasu mutane ne kimanin dari uku dauke da adduna da bindigogi suka kutsa kai cikin sansanin da ke kusa da garin Duku na yammacin kasar inda suka fara satar kayayyaki tare da kone matsugunan da aka kafa.

Hukumomin kasar Ivory Coast sun ce harin na ramuwar gayya ne bayan kisan da aka yi wa wadansu mutane hudu ranar Alhamis da daddare.

Mutane da dama sun tsere daga sansanin wanda ya kunshi kimanin mutane dubu biyar wadanda suka tsere wa rikicin da ya biyo bayan zaben shekara ta 2010.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.