BBC navigation

Shugabannin Sudan da Sudan ta kudu sun gana

An sabunta: 15 ga Yuli, 2012 - An wallafa a 05:52 GMT

Al Bashir da Salva Kirr

Shugabannin Sudan da Sudan ta Kudu sun yi ganawar farko tun bayan da kasashensu suka kusan gwabza yaki a bara.

Omar al-Bashir da Salva Kiir sun gana ne lokacin taron gamayyar kasashen Afrika a Addis Ababa, babban birnin Habasha.

Babu dai wani abu da aka baiyana game da tattaunawar sai dai a karo na farko shugabannin sun yi musabiha da juna bayan kammalawa.

Taron na kasashen Afrika dai ya bukaci kasashen biyu su daidaita tsakaninsu kafin cikar wa'adin biyu ga watan Agusta da majalisar dinkin duniya ta basu.

Kasashen dai na sabawa ne game da rikicin kan iyaka, da harajin sufurin man fetur, da kuma rabon basussukan da ake bin tsohuwar kasar Sudan kafin a raba ta biyu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.