BBC navigation

Kungiyar CAN ta yi Allah-wadai da harin Maiduguri

An sabunta: 14 ga Yuli, 2012 - An wallafa a 15:04 GMT
Fadar Shehun Borno a Maidurguri

Fadar Shehun Borno a Maidurguri

Shugaban Kungiyar Kiristoci ta Najeriya, wato CAN, Pastor Ayo Oritsejafor, ya yi Allah-wadai da harin da aka kai a babban masallacin juma'a na birnin Maiduguri, wanda ya yi sanadiyyar mutuwar mutane biyar da kuma jikkata wadansu—ciki har da sojoji biyu.

Da yake Allah-wadai da abin da ya kira “yunkuri a kan rayukan Shehun Borno, Alhaji Abukara Garbai El Knemi, da Mataimakain Gwamnan Jihar Borno a lokaci guda”, Pastor Oritsejiafor ya jajantawa gwamnati da mutanen jahar da kuma masarautar Borno da ma iyalan wadanda harin ya rusta da su.

Ayo Orsisejafar ya kuma baiwa Shehun na Borno da Mataimakin Gwamnan jihar shawara cewa kada harin ya girgiza su.

Daga nan ya bukaci Shehun da ya ci gaba da aiki don wanzar da zaman lafiya da hadin kan 'yan Najeriya.

Shugaban na CAN ya kuma yi kira ga masu fada-a-ji da su hada kai da gwamnati wajen kawo karshen zubar da jinni.

An kai harin ne dai jiya bayan sallar Juma'a, lokacin da Shehun na Borno da Mataimakin gwamnan ke fitowa daga Masallacin Juma’a.

Wadanda abin ya faru a gabansu dai sun ce dan kunar bakin waken yaro ne dan shekaru goma sha.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.