BBC navigation

Assad ba shi da niyyar sauka daga mulki

An sabunta: 9 ga Yuli, 2012 - An wallafa a 07:19 GMT

Shugaban kasar Syria Al Assad

Shugaban kasar Syria Bashar al-Assad ya sake bayyana cewar ba shi da niyyar sauka daga karagar mulki.

A wata hira da gidan talabijin na kasar Jamus, Mista Assad ya ce Syria tana fuskantar wani kalubale ne na kasa to amma bai kamata shugaba ya guje wa kalubaleb ba.

Ya zargi Amurka da laifin taimaka wa abin da ya kira gungun wasu mutane don a wargaza Syria.

Ya ce: "Amurka tana cikin masu haddasa rikicin. Sun ba da goyon baya na siyasa ga gungun wadannan mutane, domin su haddasa fitina - su wargaza Syria."

Shugaba Assad din zai yi wasu sababbin shawarwari a yau litinin da wakilin Majalisar Dinkin Duniya Kofi Annan wanda ya kai ziyara ta uku kenan a kasar Syria.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.