BBC navigation

Kofi Annan ya gargadi kasashen duniya kan rikicin Syria

An sabunta: 30 ga Yuni, 2012 - An wallafa a 16:22 GMT
Kofi Annan

Kofi Annan da sauran masu taro a Geneva

Wakilin majalisar dinkin duniya mai yunkurin samar da zaman lafiya, Kofi Annan, ya gargadi ministocin harkokin wajen kasashen da ke taro a kan Syria cewa idan suka kasa cimma matsaya a kan yadda za a shawo kan rikicin da ake fama da shi, to tashe-tashen hankulan ka iya yaduwa zuwa matakin kasa-da-kasa.

Mista Annan ya shaidawa taron ministocin a Geneva cewa alhakin karuwar mutuwar al'ummar Syria zai rataya a wuyansu idan suka kasa kulla wata yarjejeniya.

Ministan harkokin wajen Burtaniya, William Hague, ya ce wajibi ne kasashen duniya su cimma matsaya ba tare da bata lokaci ba:

Ya ce ina ganin yana da matukar muhimmanci a tunkari wannan tataunawa ta yau da tunanin cewa akwai bukatar daukar matakan da suka dace da gaggawa, domin yanayi a Syria kara tabarbarewa yake yi.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.