BBC navigation

An nada sabon piraminista a kasar Girka

An sabunta: 20 ga Yuni, 2012 - An wallafa a 16:18 GMT

An rantsar da sabon piraminista a kasar Girka don ya jagoranci gwamnatin hadin-gwiwa a kasar.

Antonis Samaras, shugaban jam'iyyar New Democracy, wadda ta ta yi nasara a zaben da aka yi ranar Lahadi da kan-kanen rinjaye, shine ya zama sabon piraministan.

Jam'iyyun da suka shiga cikin gwamnatin hadin gwiwar dai sun hada harda jam'iyyar 'yan gurguzu ta PASOK da kuma wata karamar jam'iyya da ake kira Demoratic Left.

Ana sa ran cewa sabuwar gwamantin za ta yi kokarin shawo kan masu bada lamuni na duniya da su saukaka sharuddan da aka shimfidawa kasar na samun basussukan ceto ta daga matsalar tattalin arziki.

Ana ganin cewa wannan batun din ne zai taimaka wajen ci gaba da kasancewar kasar cikin kungiyar kasashen dake amfani da kudin Euro.

Jagoran jam'iyyar 'yan gurguzu, Evangelos Venizelos, ya ce wannan shine babban yaki na farko dake gabansu.

Tunda farko dai Mista Venizelos ya ce amince da ya marawa Mista Samaras baya domin kafa gwamnatin hadin gwiwar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.