BBC navigation

An kafa dokar hana fita a Kaduna bayan hare hare

An sabunta: 17 ga Yuni, 2012 - An wallafa a 20:39 GMT
hare hare a Nijeriya

hare hare a Nijeriya

Hukumomi a jihar Kaduna dake arewacin Nijeriya sun kafa dokar hana fita, ba dare ba rana, bayan wasu hare haren bam da aka kai a wasu coci coci .

Rahotanni na cewa fiye da mutane ashirin ne suka mutu lokacin da bama baman suka tashi a wasu coci coci a Kaduna da kuma Zaria.

An Ambaci wasu jami'an agaji na cewa wadanda aka jikkata sun haura dari.

'Yan sanda da sauran jami'an tsaro na kokarin dawo da doka da oda.

Wadannan hare hare , wadanda suka haddasa asarar rayuka da jikata jama'a sun kuma tunzura wasu matasa mabiya addinin Kirista, a Kaduna wadanda suka datse hanyar Kaduna zuwa Abuja suka rika kai hari a kan musulmi a matsayin ramuwar gayya.

Wani dan jarida ya ce ya ga gawarwakin mutane goma da aka kwasa zuwa mutuware, bayan da wasu matasa suka far masu a kusa da Gonin Gora.

Wasu kungiyoyi da suka hada da ACF ta dattawan Arewa, da Jama'atu Nasril Islam, da kuma kungiyar 'yan asalin kudancin Kaduna, duk sun la'anci hare haren, suna masu kira ga jama'a da su kai zuciya nesa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.