BBC navigation

Shugaban Nijar ya koka kan rikicin Mali

An sabunta: 11 ga Yuni, 2012 - An wallafa a 20:34 GMT
Shugaba Muhammadou Issoufou na Nijar

Shugaba Muhammadou Issoufou na Nijar

Shugaba Mahamadou Issoufou na Nijar ya ce kasashen Yammacin Afirka za su nemi izini daga Majalisar Dinkin Duniya su yi amfani da karfin soji a Mali, kasar da ya ce ta zama barazana ga tsaron duniya.

Ya ce kasar ta zama barazana ga duniya mai bukatar amsa a matakin kasa-da-kasa.


Ya ce hakan ya sa kungiyar ECOWAS ta yanke shawarar mika wannan tambaya ga kwamitin sulhu don ya nemo magani, ciki har da matakin soji, wanda a shirye ECOWAS ta ke ta aiwatar da taimakon manyan kasashen duniya irinsu Faransa da Amurka.

Shugaba Issoufou ya furta wadannan kalamai ne a Faransa, bayan wata tattaunawa da Shugaba Francois Hollande.

Mista Hollande ya ce a shirye Faransa ta ke ta goyi bayan matakin sojin da za a dauka a Mali, amma a karkashin jagorancin kungiyar ECOWAS.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.