BBC navigation

An hallaka sojojin Nijar a Kot Divuwa

An sabunta: 9 ga Yuni, 2012 - An wallafa a 15:44 GMT
Dakarun MDD a Ivory Coast

Dakarun MDD a Ivory Coast

Ma'aikatan Majalisar Dinkin Duniya a Kot Divuwa sun ce wasu fararan hula na daga cikin wadanda aka hallaka a wani kwantan bauna da akai ranar juma'a, inda aka kashe sojojin Nijar bakwai dake aikin wanzar da zaman lafiya karkashin Majalisar Dinkin Duniya a kasar.

Sakatare janar na Majalisar Dinkin Duniyar, Ban Ki-Moon, ya bayyan alhininsa game da kisan, ya kuma yi kira ga mahukuntan Kot Divuwan da su yi duk abunda zasu iya yi don gano wadanda suka aikata kisan, su kuma tabbatar an hukunta su.

Mr Moon ya kuma ce har yanzu sauran dakarun su dake yankin na fuskanatar hadari.

Wani jami'in Majalisar Dinkin Duniya a Abidjan yace akalla fararan hula takwas ne ake kashe a harin da aka kai a kusa da kan iyakar kasar da Liberia.

Ana danganta sojojin haya daga Liberia da mayakan sakai masu goyon bayan tsohon shugaba Laurent Gbagbo da kai hare hare a yankin.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.