BBC navigation

Boko Haram ta musanta shiga taron sulhu

An sabunta: 6 ga Yuni, 2012 - An wallafa a 20:47 GMT
Malam Abubakar Shekau

Malam Abubakar Shekau

Kungiyar Jama'atu Ahlissuna Liddaawati wal Jihad, da aka fi sani da suna Boko Haram, ta musanta rahotannin dake cewa an fara wata tattaunawa tsakaninta da gwamnati da nufin yin sulhu.

Cikin wani sakon email mai dauke da sunan Abul Qaqa, kungiyar ta ce ya zama wajibi ta maida martani kan rahotannin dake cewa Sheikh Dahiru Usman Bauchi na shiga tsakaninta da gwamnati,tana mai cewa babu kanshin gaskiya a rahotannin.

Kungiyar ta yi kira ga Sheikh Dahiru Bauchi da cewa , " ya ja girmansa, kada ya bari wasu su yaudare shi."

Tun farko dai Sheikh Dahiru Usman Bauchi ya shaidawa BBC cewar lallai akwai tattaunawar da yake kokarin jagoranta tsakanin gwamnatin da 'yan kungiyar.

Ita dai kungiyar ta ce rabonta da shiga wata tattaunawa da hukumomin Nijeriya, tun wadda ta ruguje karkashin jagorancin Dr Datti Ahmad.

Yayinda wasu suka fara jinjina ma yunkurin sulhun, domin kawo karshen tashin hankalin da yake sanadiyar mutuwar daruruwan jama'a a Nijeriya, bisa dukkan alamu murnar irin wadannan mutane zata koma ciki kenan a yanzu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.