BBC navigation

Babu na zabe tsakanin Sarkozy da Hollande - Le Pen

An sabunta: 1 ga Mayu, 2012 - An wallafa a 16:00 GMT
le pen

Marine Le Pen

Shugabar jam'iyyar masu matsanancin ra'ayin rikau ta Faransa, Marine Le Pen ta ki amincewa ta mara baya ga kowane, daga cikin 'yan takarar shugaban kasar zagaye na biyu da za a gudanar ranar Lahadi.

A cewar Le Pen za ta kada kuri'arta ce ba tare da zaben kowa ba, ta kuma yi kira ga magoya bayanta da su zabi abin da ransu ya raya masu.

Marine Le Pen ta kara da cewar 'yan takarar biyu wato shugaba Sarkozy da abokin hamayyarsa, na jam'iyyar gurguzu Francois Hollande zasu mika ragamar ikon kasar ne ga tarayyar Turai.

Mutane miliyan shidda da suka kada wa Mis Le Pen kuri'a a zagayen farko na zaben shugaban kasar, kuma su ake ganin zasu iya raba gardama a zaben zagaye na biyu.

Mista Sarkozy na ta fadi tashi ne na ganin ya samu goyon bayansu, inda a yau yake furta cewar, yawan baki a Faransa ya zarta kima.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.