BBC navigation

ECOWAS za ta tura soji zuwa Mali da Guinea-Bissau

An sabunta: 27 ga Aprilu, 2012 - An wallafa a 06:35 GMT

Shugabannin ECOWAS a lokacin da suke gudanar da wani taro

Wani taron gaggawa da ECOWAS ta gudanar ya yanke shawarar tura dakarun yankin zuwa kasashen Guinea Bissau da Mali domin sa ido ga mayar da kasashen ga mulkin farar hula bayan juyin mulkin da sojoji suka yi kwanakin baya a kasashen.

Shugabannin kungiyar ta ECOWAS sun ce za a tura sojoji kimanin dari shida zuwa Guinea-Bissau.

Sun kuma baiwa gwamnatin mulkin sojin kasar sa'oi saba'in da biyu ta kiyaye da wannan umurni, ko kuma a sanya mata takunkumi.

A Mali kuma, za a tura sojoji dubu uku don taimaka wa gwamnatin rikon-kwarya kwato yankin arewacin kasar da ke hannun 'yan tawaye.

Kungiyar ta ECOWAS ta baiwa kasashen wa'adin watanni goma sha biyu na komawa ga mulkin farar hula, kuma cikin wannan lokacin ne za a shirya zabe.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.