BBC navigation

An yi jana'izar tsohon shugaban Malawi

An sabunta: 23 ga Aprilu, 2012 - An wallafa a 19:12 GMT
jana'izar tsohon shugaban Malawi

jana'izar tsohon shugaban Malawi

Dubban 'yan kasar Malawi ne suka yi dafifi a gonar Ndata, wadda makekiyar gona ce da ta kunshi gidajen kwana, ta tsohon shugaban kasar, Bingu wa Mutharika.

Sun je ne domin halartar jana'izarsa.

Ranar biyar ga watan Aprilun nan ne, masanin tattalin arzikin da ya koma harkokin siyasa, ya rasu yana da shekaru saba'in da takwas, a sakamakon bugun zuciya.

Bayan rasuwarsa an yi ta kai ruwa-rana a kokarin nada wanda zai gaje shi, sakamakon sabanin dake tsakaninsa da matimakiyarsa, Joyce Banda.

A baya an ce sai da ta kai ga Marigayi shugaba Mutharika ya kori Joyce Banda daga jam'iyya mai mulki.

A karshe bisa la'akari da tanajin tsarin mulki tilas aka rantsar da Mrs Joyce Banda a matsayin shugabar kasa, kuma zata ci gaba da rike mukamin na tsawon shekaru biyu, kafin gudanar da sabon zabe.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.