BBC navigation

Tashin bam ya hallaka mutane a Iraqi

An sabunta: 19 ga Aprilu, 2012 - An wallafa a 15:34 GMT

Akalla mutane 35 sun hallaka a Iraki sakamakon wasu jerin hare-haren bama-bamai.

Bama-baman sun tashi ne a Bagadaza da kuma wasu sassan kasar.

Jami'an gwamnatin Irakin sun ce wasu karin mutane 100 sun samu raunika a hare-haren.

Ministan lafiya na Irakin, Majeed Hamad Amin, ya tsallake rijiya da baya yayinda aka kai wa ayarin motocinsa hari, a birnin Bagadaza.

Hakazalika wasu bama-baman sun tashi a biranen Kirkuk da Samarra.

Wakilin BBC a Bagadaza, ya ce yadda aka kai hare-haren a kusan lokaci guda, wata alama ce da ke nuna cewa har yanzu akwai jan aiki a gaban gwamnatin kasar a yakin da take da masu tayar da kayar baya.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.