BBC navigation

An yi hatsanaiya wurin shari'ar Ibori a London

An sabunta: 16 ga Aprilu, 2012 - An wallafa a 20:37 GMT
James Ibori a hannun hagu

James Ibori a hannun hagu

A yau ne wata kotu a nan Landan ta dakatar da fara zama domin yanke hukunci kan laifuffukan a ake zargin tsohon gwamnan jihar Delta ta Najeriya, sakamakon wani kutse da hatsaniya da magoya bayan tsohon gwamnan suka yi a kotun.

Wasu da suka shaida lamarin na cewa magoya bayan tsohon gwmnan jihar Delta mai arzikin man fetur a Najeriya, sun barke da ihu ne bayan an hana su shiga cikin kotun.

Ana tuhumar James Ibori ne da laifin azurta kai da dukiyar al'umma na kimanin dalar Amurka miliyan dari biyu da hamsin.

Kazalika tsohon gwamnan ya mallaki jirgin sama na hawa, da ya saya kan dalar Amurka miliyan ashirin tare da wadansu manyan motoci na kasaita masu sulke, tare da kashe makudan kudade a makarantu, da otel-otel na isa a kasashen waje.

A gobe Talata ne ake sa ran za a yanke ma James Ibori dan shekara 49, hukunci.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.