BBC navigation

Za a iya mika Abu Hamza ga Amurka

An sabunta: 10 ga Aprilu, 2012 - An wallafa a 12:39 GMT
Abu Hamza

Abu Hamza

Kotun kare hakkin bil'adama ta Tarayyar Turai za yanke hukuncin cewa Burtaniya za ta iya mika wasu mutane shida da ake zargi da ayyukan ta'addanci ga Amurka.

Burtaniya ce dai ta bukaci tasa keyar mutane shida da ake zargi da ayyukan ta'addanci ciki har da fitaccen malamin addinin Musulunci Abu Hamza zuwa Amurka.

A can ne ake sa ran yanke musu hukuncin daurin shekaru da dama na zaman kadaici.

Wadanda ake zargin sun je kotun ne domin hana hukumomin Burtaniya tasa kyayarsu zuwa Amurka.

Fira Ministan Burtaniya David Cameron ya ce ya yi farin ciki da hukuncin kotun.

Shi dai Abu Hamza wanda dan asalin kasar Masar ne, a halin yanzu yana zaman kaso na shekaru bakwai a Burtaniya bayan da aka same shi da laifin cusa kyamar jinsi a tsakanin mutane.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.