BBC navigation

Birtaniya ta yi gargadi kan Boko Haram

An sabunta: 5 ga Aprilu, 2012 - An wallafa a 20:24 GMT
Boko Haram

Malam Abubakar Shekau, Jagoran Boko Haram

Birtaniya ta gargadi 'yan kasarta da su guji wasu jihohi bakwai na arewacin Najeriya saboda wata babbar barazanar kai harin ta'addanci a lokacin bukukuwan Easter.

Ma'aikatar harkokin wajen Birtaniya ta sabunta gargadin nata ne, tana mai cewar kungiyar masu tsattsauran kishin Islama a Najeriya da ake kira Boko Haram ta kai hare hare a ranar Kirsimatin da ya wuce, harin da yayi sanadiyar mutuwar mutane da yawa a wani Cocin Katolika a wajen Abuja Babban Birnin Tarayyar kasar.

Ma'aikatar dai ba ta bayar da wani karin cikakken bayani game da barazanar ta ranar Easter ba.

Sai dai Gwamnatin Amurka ma ta yi irin wannan gargadi ga 'yan kasarta game da zuwa Najeriyar.

To amma hukumomin tsaron Najeriyar sun musanta cewar akwai wata barazanar kai hari a lokacin Eastar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.