BBC navigation

Sojojin Mali sun je kamun kafa a Najeriya

An sabunta: 3 ga Aprilu, 2012 - An wallafa a 20:35 GMT

Gwamnatin mulkin Sojan Mali sun tura wata tawaga ta mutane uku don tattaunawa da ministan harkokin kasashen wajen Najeriya, Olugbenga Ashiru.

Jagoran tawagar Kanal Blonkero Samake wanda yayi jawabi da harshen Faransanci kafin su shiga taro na sirri, ya ce zun je su yiwa hukumomin Najeriya bayani ne game da halin da ake ciki a Mali.

Kungiyar kawancen tattalin arzikin kasashen Afrika ta yamma ECOWAS ta sanya takunkumin tattalin arziki akan kasar ta Mali, bayan juyin mulkin da sojojin suka yi kusan kwanaki goma da suka gabata.

A waje daya kuma a Najeriyar yau wata gammayar kungiyoyin fararen hula na kasashen yammacin Afrika suka yi wata zanga zangar nuna rashin amincewa da juyin mulki soja a ofishin jakadancin kasar Mali dake birnin Abuja .

Masu zanga zangar sun yi kira ga gwamnatin soja Mali akan su mika mulki ga farar hula ba tare da bata lokaci ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.