BBC navigation

Martanin MNJ a Nijar kan kama Aghaly Alambo

An sabunta: 22 ga Maris, 2012 - An wallafa a 20:24 GMT
Aghaly Alambo

Aghaly Alambo

A jamhuriyar Nijar tsohuwar kungiyar 'yan tawayen MNJ ta nuna rashin jin dadinta dangane da tsarewar da hukumomin shari'ar kasar ke yi ma shugabanta Malam Agaly Alambo.

Da yake Magana dangane da lamarin Malam Ahmed Waghayyan, daya daga cikin shugabannin tsohuwar kungiyar ta MNJ ya ce ko kadan babu kanshin gaskiya game da zargin da ake yi ma Agaly Alambon .

A ranar Talatar da ta gabata ne dai babban alkali mai kula da al'amurran ta'addanci ya saurari Agaly Alambon dangane da tuhumar da shari'a ke yi masa na cewa yana da hannu a cikin wata badakala da ta shafi safarar makamai da ma hada baki da wasu mutane don aikata ayyukan ta'addanci .

Tsohuwar kungiyar 'yan tawayen ta MNJ ta ce abin takaici ne kama Malam Alambo, kuma ya kamata a guji duk wasu matakai da zasu kawo cikas da shirin zaman lafiya tsakanin gwamnati da 'yan tawaye.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.