BBC navigation

Ana lalubar hanyar bunkasa tattalin arzukin Turai

An sabunta: 30 ga Janairu, 2012 - An wallafa a 20:14 GMT
Taron koli na tarayyar Turai

Taron koli na tarayyar Turai

Shugabannin tarayyar Turai sun fara wani taron koli a birnin Brussels domin nemo hanyoyin da za su bunkasa tattalin arzikin nahiyar duk kuwa da matakan tsuke bakin aljihun da suke dauka.

Za su maida hankali ne wajen rage adadin marasa aikin yi - wanda ya kai kashi goma cikin dari a kasashen da ke amfani da kudin Euro.

Za kuma a yanke shawara kan tsaurara matakai wurin aiwatar da kasafin kudi, domin samun kudaden tallafi a nan gaba, sai dai babu Burtaniya a wanna tsarin.

Wakilin BBC ya ce wani abu da zai kara cakuda al'amura a taron shi ne shawarar da Jamus ta bayar na Girka ta mika iko da kasafin kudinta ga wani kwamishina na tarayyar - shawarar da Girkan ta yi watsi da ita.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.