BBC navigation

An kai hari kan mabiya Shia a Iraqi

An sabunta: 14 ga Janairu, 2012 - An wallafa a 14:53 GMT
Mabiya Shi'a a Iraqi

Mabiya Shi'a a Iraqi

Hukumomin Iraki sun ce akalla mutane 50 sun hallaka, bayan da wani dan kunar bakin wake ya kai a kan masu ibada na 'yan Shia a birnin Basra na kudancin kasar.

Wasu karin fiye da dari sun samu raunika. 7 daga cikin mamatan , jami'an tsaro ne, wadanda ke bincika ababen hawa a wurin da abun ya faru.

Masu ibadar suna kan hanyar su ce ta zuwa wani babban massalaci na 'yan Shia dake wajen birnin na Basra, bayan sun kammala Arba'in, daya daga cikin ranaku masu tsarki ga 'yan Shia.

Wakilin BBC ya ce wadanda suka shaida al'ammarin sun ce dan kunar bakin waken ya janyo masu ibadar ne a jika, yana nuna cewa yana rarraba masu abinci ne da ruwan sha, kafin ya tada nakiyoyin dake jikinsa.

Wannan tashin hankali dai ya zo a daidai lokacin da ake samun karuwar zullumi tsakanin 'yan Shia masu rinjaye a Irakin da kuma 'yan Sunni.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.