BBC navigation

Tshisekedi ya yi watsi da sakamakon zaben Congo

An sabunta: 9 ga Disamba, 2011 - An wallafa a 20:42 GMT
Etienne Tshisekedi

Etienne Tshisekedi

Dan takarar Babbar jam'iyyar adawa a Jumhuriyar Demokradiyyar Congo, ya yi watsi da sakamakon zaben shugaban kasa da Hukumar zabe ta bayyana, wanda ya nuna cewa shugaba mai ci yanzu, Joseph Kabila ne ya lashe zaben.

Etienne Tshisekedi ya ce yana daukan kansa a matsayin zababben shugaban kasar, yana mai cewa bayyana Mr Kabila a matsayin wanda ya lashe, wata takala ce.

Yanzu haka dai an tsaurara matakan tsaro a Kinshasa, babban birnin kasar, saboda fargabar da ake da ita, ta barkewar tashin hankali, bayan bayyana sakamakon zaben.

Wani wakilin BBC a birnin ya ce an ji karar harbin bindigogi, kusa da gidan Mr Tshisekedi.

Kamfanin dillancin labaran Faransa ya ce masu zanga-zanga sun kona tayoyi tare da yin jifa da duwatsu a kan 'yan sanda a kusa da tsakiyar birnin.

Sakamakon wucin gadi na zaben dai ya nuna cewa shugaba Kabila ya samu kashi 49 cikin 100 na kuru'un da aka kada, yayinda Mr Tshisekedi ya samu kashi 32 daga cikin 100.

Yanzu ya rage kotun kolin kasar ta tabbatar da sakamakon zaben.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.