BBC navigation

An yi kokarin satar fita da Saadi zuwa Mexico

An sabunta: 7 ga Disamba, 2011 - An wallafa a 20:21 GMT
Saadi Gaddafi

Saadi Gaddafi

Gwamnatin kasar Mexico ta ce ta bankado wani shiri da aka yi na kokarin satar fitar da dan Kanar Gaddafi, watau Saadi Gaddafi domin kai shi kasar Mexico a boye a watan Satumban da ya wuce.

Gwamnatin Mexico ta ce jami'an leken asiri ne suka gano shirin da aka yi, inda kuma za'a hada da wasu iyalan marigaryi Gaddafi, domin kai su kasar ta Mexico da takardun bogi.

Ministan cikin gida na kasar Mexico, Alejandro Poire, ya ce jami'an leken asirin Mexico ne suka gano shirin.

Ana zargin mutanan da suka shirya kaisu, da sayan gidaje a Mexico da dama, ciki harda wani da ke wajen shakatawar nan dake gabar Pacific, inda aka ce fitattun kamar mawakiyarnan Lady Gaga na da gidaje.

A yanzu haka dai Saadi Gaddafi, wanda tsohon kwararran dan kwallo ne ya na zaman daurin talala a Jamhuriyar Nijar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.