BBC navigation

Tuhuma a kan Laurent Gbagbo

An sabunta: 30 ga Nuwamba, 2011 - An wallafa a 16:04 GMT
Laurent Gbagbo

Laurent Gbagbo

Kotun duniya mai hukunta miyagun laifufuka, ICC ta ce tsohon shugaban Cote D'Ivoire Laurent Gbagbo yana fuskantar tuhuma bisa aikata laifufuka hudu na cin zarafin BiAdama da suka hada da kisa da kuma fiade.

Yanzu haka dai Mr Gbagbo din yana tsare a birnin Hague, bayan da aka kama shi a jiya a kasar ta Cote D'Ivoire.

Babban mai shigar da kara na kotun, Luis Moreno- Ocampo ya ce akwai hujjar dake nuna cewa da gangan magoya bayan Mr Gbagbo din suka kitsa tashin hankalin da ya biyo bayan zaben shugaban kasa a bara.

Mutane kusan dubu uku ne suka rasa rayikansu a sanadiyyar tashin hankalin da aka shafe watanni ana yi.

Mr Moreno -Ocampo ya ce duka bangarorin biyu sun aikata laifufuka saboda haka akwai yiwuwar kotun ta ICC ta fitar da wasu karin takardun sammancin kama wadanda ake zargi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.