BBC navigation

Ana jiran Mr. Berlusconi ya yi murabus

An sabunta: 12 ga Nuwamba, 2011 - An wallafa a 19:45 GMT
Silvio Berlusconi, pira ministan Italiya

Silvio Berlusconi, pira ministan Italiya

Majalisar wakilan kasar Italiya ta amince da matakan tsuke bakin aljihun gwamnati, a wani yunkuri na kokarin kwantar da hankalin kasashe game da cewa, tana iya biyan dimbin bashin da ake binta.


Nan ba da jimawa ba kuma ana sa ran Praministan Italiyar, Silvio Berlusconi, zai yi murabus, ya mika iko ga gwamnatin rikon kwarya.

Praministan dai yayi alkawarin zai sauka daga mulki, da zarar majalisar wakilan ta amince da matakan rage yawan kudaden da gwamnati ke kashewa, wadanda tuni majalisar dattawa ta yi na'am da su.

Tsohon kwamishinan Tarayyar Turai, Mario Monti, shine ake jin zai maye gurbin Silvio Berlusconi.

To amma kuma in ji wakilin BBC a birnin Rome, yana fuskantar jar adawa daga gwamnatin hadin gambiza mai barin gado.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.