An sabunta: 1 ga Yuli, 2011 - An wallafa a 07:35 GMT

Shugaban China ya gargadi 'yan jam'iyar Kwaminis

Hu Jintao

Shugaban China, Hu Jintao, ya gargadi 'yan Jam'iyyar Kwaminis mai mulkin kasa kan su guji cin hanci idan ba haka ba jam'iyyar za ta rasa goyon baya, da amincin da ta ke samu daga wajen 'yan kasar.

Shugaban ya bayyana hakan ne yayin da ya ke jawabi a ranar jajiberen bukukuwan cika shekaru casa'in da kafa jam'iyyar.


Mista Hu ya kuma gargadi 'yan jam'iyyar su guji yin amfani da mulki wajen amfanar da wasu mutane 'yan tsiraru.

A gefe guda kuma, kasar China ta amince da wata sabuwar doka wadda za ta sanya da wuya gwamnati ta iya fitar da mutane daga gidajensu da karfi.

Kafofin yada labaran Chinan sun ce wannan doka ce da a tarihin tsarin shari'a na kasar aka jima ana sauraronta.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.