BBC navigation

Ra'ayi Riga: Samar da rundunar 'yan sanda a Jihohin Najeriya

An sabunta: 25 ga Agusta, 2012 - An wallafa a 16:05 GMT

Garmaho

Kirkiro 'yan sanda na jihohi na cigaba da jawo muhawara a Najeriya, yayin da gwamnonin kudancin kasar ke son a samar da rundunonin, takwarorinsu na arewa na nuna kin amincewa.

Sauraremp3

Ba ka da manhajar flash player da ta dace

Kunna wannan da wata manhajar ta daban

Wasu 'yan sandan Najeriya

Wasu 'yan sandan Najeriya

Batun kafa rundunar 'yan sanda mallakar jihohi a Najeriya , za a iya cewa shine abin da ya kankane mahawarar da ake yi a fagen siyasar kasar.

Yanzu haka wasu 'yan kasar na ganin cewa lokaci yayi da za a samu 'yan sanda karkashin ikon jihohin kasar, don taimakawa rundunar 'yan sandan dake karkashin ikon gwamnatin tarayya.

Tsafaffin speto janar na 'yan sanda kasar na rukunin wadanda ba sa son a kirkiro rundunonin 'yan sanda karkashin jihohi, saboda yiwuwar gwamnonin su yi amfani da 'yan sandan a matsayin karnukan farautarsu.

Ita kuwa kungiyar lauyoyin kasar wato NBA gani take cewa lokaci yayi da kasar za ta samu 'yan sandan jihohi.

Shima tsohon shugaban mulkin sojin kasar, Ibrahim Badamasi Babangida an ambato shi yana nuna goyon bayansa game da shirin kirkiro rundunar 'yan sandan ta jihohi.

To ko menene kundin tsarin mulkin Najeriya ya tanadar game da haka?

Shin ta yaya za a tabbatar da adalci tsakanin mutane biyu wadanda suka samu rashin fahimtar juna a inda ake kallon daya daga cikinsu dan asalin jihar ne , dayan kuma ake masa kallon bako?

Wadannan na daga cikin tambayoyin da shirin Ra'ayi riga na wannan makon ya duba.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.