Ku kirindiro hiciwe abasirikare

Abamenyeshamakuru bo mu mihingo yose y'isi ,bari imbere y'ugwinjiriro rwa Fort Hood ,muri iki gihe igisirikare ca Amerika cahariye uyu munsi ikigandaro c'abaraye bishwe .

Benshi bo muri Amerika bababajwe n'iryo rasa ryahabereye .
President wa Amerika Barack Obama, yavyise ibikogwa biteye ubwoba .

Abategetsi bo muri ico gihugu ,bavuga ko uwo mugabo w'imyaka 39 y'amavuka ,major Nidal Malik Hassan, yafashe arasa abasirikare, bariko baraheraheza imyiteguro imbere y'ugufata inzira ya Irak na Afghanistani .

Abarenga 40 yarabishe canke arabakomeretsa imbere yuko uwo mugabo araswa n'umupolisi w'umugore yari kuri ico kirindiro .

Amakuru menshi ariko aratangwa kuri uwo mu Major yihaye inkumbi .
N'umunyamerika w'umu Islamu .

Abamuzi bose bavuga ko yemera cane idini ryiwe, mugabo ngo nta butagondwa yari afise .

Ngo yari amaze imyaka 6 akorera mu kigo gifasha abasirikare ba Amerika ,batahuka bava mu turere tw'intambara .

Kandi bategekanya kumurungika gukorera muri Afghanistani ,mugabo ngo ntiyipfuza guhonyorayo .