Felin Gakwaya BBC GAHUZAMIRYANGO

	rwanda, remittances, economy

Bwana Francois Kanimba,yabwiye BBC GAHUZAMIRYANGO ko Abanyarwanda bagera kuri miliyoni imwe batuye mu mhanga bashobora kohereza amafaranga bakoresheje konti nshya iri muri banki nkuru.

	Francois Kanimba

Iyo konti kandi ngo banayikoresha mu kwohereza amafaranga yo kuzigama kuko banki yo mu Rwanda hamwe n'izindi zo muri Amerika ngo zitanga inyungu iri hejuru (kugera ku bice 8%) mu gihe amabanki yo mu burayi n'amerika yagabanije iyo nyungu cyane (kugera hafi 0%).

Ibyo ngo biterwa n'uko izo banki z'iburayi zahungabanyijwe n'ikibazo cy'ubukungu kw'isi, nyinshi zirahomba, izindi zigobokwa n'amaleta yaho, bituma ziganya inyungu zatangaga.

Bwana Kanimba yavuze ko n'ubwo ku isi hari ingorane z'ubukungu mu mezi atanu ya mbere y'uyu mwaka amafaranga yoherezwa mu Rwanda yazamutseho 26 ku ijana agera ku madolari miliyoni 70.

Kanimba aranavuga ko ikindi kintu gituma amafaranga atangwa n'abanyarwanda baba mu mahanga yiyongera ngo ari uko abo banyarwanda nabo nyine bagenda biyongera, ngo barabyara, abana babo nabo bagakora bityo ibyo bohereza bikaba byinshi.