BBCGreatLakes.com
Igiswahili
Afrika
 
Ayanyuma: 20 Ukwa gatanu, 2008 - 17:34 GMT
 
Sangira n,incuti   Ayasohoka neza
Kabuga Felicien ngo yaba yifuza kuburanishirizwa mu Rwanda
 

 
 
Kabuga Felicien
Kabuga Felicien
Umwanditsi mukuru wa African Press Internation, bwana Kipter Kiror yabwiye BBC ko kw'itariki 8 z'uku kwezi kwa 5 aribwo yahuye na Kabuga Felicien ushakishwa n'urukiko mpuzamahanga rwa Arusha, u Rwanda hamwe n'Amerika yashyizeho akayabo ka miliyoni 5 z'amadollar k'umuntu wese wakwerekana aho Kabuga aherereye.

Umunyamakuru Kiror avuga ko yabisabwe n'umunyarwanda uba i Oslo ku murwa mukuru wa Norvege, ariko ntiyashaka kumuvuga izina.

Ngo bahuriye muri Hotel y'i Oslo maze bagirana ikiganiro kirambuye, ngo amuha n'urwandiko rugeneye umushinjacyaha mukuru w'u Rwanda kugirango bumvikane uburyo yajyanwa kuburanishirizwa mu Rwanda ku mahoro.

Kabuga ngo yamubwiye ko arwaye diabete bityo akaba asaba leta y'u Rwanda kumuha uburenganzira bwo kurya ku buryo bw'umwihariko kubera iyo ndwara.

Kabuga ararerwa ibyaha by'itsembabwoko ryakozwe mu Rwanda muri 94 ariko arabihakana akavuga ko azaha amakuru y'ingirakamaro leta y'u Rwanda y'abantu bateguye uwo mugambi bakanawushyira no mu ngiro.

Umuryango wa Kabuga ariko wanze kugira icyo udutangariza, n'umushinjacyaha mukuru w'u Rwanda, Martin Ngoga yatubwiye ko atarabona iyo nyandiko kugirango agire icyo adutangariza.

 
 
AMAKURU YA NYUMA
 
 
Sangira n,incuti   Ayasohoka neza
 
  Turi bande | Dutere akamo
 
BBC Copyright Logo ^^ Subira hejuru
  Amashakiro | Ikirere| Ibiganiro| Imirongo
 
  BBC News >> | BBC Sport >> | BBC Weather >> | BBC World Service >> | BBC Languages >>
 
  Mfasha | Wenyene