BBCGreatLakes.com
Igiswahili
Afrika
 
Ayanyuma:
 
Sangira n,incuti Ayasohoka neza
Ikinamico Urunana
 
Abakinnyi Hishamunda na Languida
Urunana ni uruhererekane rw'imikino y'ikinamico ( mu cyongereza: Soap Opera) rwa mbere rwahise kuri radio mu karere k'ibiyaga bigari.

Kuva muri Gashyantare 1999, icyo kiganiro cyamamaye cyane gihita kuri radio BBC - Gahuzamiryango kabiri mu cyumweru ( buri wa kabiri na buri wa kane i saa kumi n'ebyeri n'imonota mirongo ine n'itanu ku isaha y'i Kigali), buri Cyumweru saa moya n'igice za mu gitondo na saa kumi n'imwe z'umugoroba hagacaho ibice bibiri byatambutse mu cyumweru.

Icyo kiganiro kigitangira cyategurwaga n'umuryango Health Unlimited, mu rwego rw'umushinga wawo " Well Women Media Project".

Uwo mushinga ukaba ugamije guteza imbere ubuzima bw'abategarugori bo mu cyaro bari mu kigero cyo kubyara ndetse n'ubw'urubyiruko.

Urwo ruhererekane rw'imikino y'ikinamico Urunana rutanga inyigisho z'ubuzima rwifashishije uburyo bw'ikinamico busetsa ariko kandi bukanigisha.

Kuva muri Mata 2006, iyo kinamico itegurwa n' "Urunana Development Communication", akaba ari ishyirahamwe ryashinzwe n'abahoze ari abakozi b'umushinga "Well Women Media Project "wa Health Unlimited.

Abo bakozi bakaba bakomeje ariko gufatanya na Health Unlimited na BBC Gahuzamiryango gutegura icyo kiganiro. Ubu giterwa inkunga n'Umuryango w'ubumwe bw'ibihugu by'i Burayi.

Ikiganiro Urunana kigaragaza ubuzima nyabwo bwo mu cyaro kuko abakinnyi ndetse n'ibyo bakina wumva koko ari ubuzima bwa buri munsi bwo mu cyaro.

Muri iyo kinamico bigisha kuri malariya, kuboneza urubyaro, gucana inyuma hagati y'abashakanye, Sida n'izindi ndwara zandurira mu mibonano mpuzabitsina, igituntu, konsa, uburinganire hagati y'igitsina gabo n'igitsina gore, ubugumba,, ubupfakazi, urubyiruko n'ubuzima bw'imyororokere n'ibindi.

Byose bigakorwa mu buryo bwo gusetsa ariko kandi bwigisha.

Muri benshi bumva Ikinamico Urunana mukifuza kutwandikira. Ntimutangwe.
Koresha e-mail yacu: hukgl@rwanda1.com.

 
 
AMAKURU YA NYUMA
 
 
Sangira n,incuti Ayasohoka neza
 
  Turi bande | Dutere akamo
 
BBC Copyright Logo ^^ Subira hejuru
  Amashakiro | Ikirere| Ibiganiro| Imirongo
 
  BBC News >> | BBC Sport >> | BBC Weather >> | BBC World Service >> | BBC Languages >>
 
  Mfasha | Wenyene