Umukuru wa Bayern agiye gupfungwa

  • 13 Ukwa gatatu 2014
Umukuru wa Bayern Munich, Uli Hoeness
Umukuru wa Bayern Munich, Uli Hoeness

Umukuru w'umugwi w'umupira w'amaguru wo mu Budage, Bayern Munich, Uli Hoeness, yapfunzwe imyaka itatu kubera kutariha ikori.

Bwana Hoeness, yigeze gutsindira igikombe c'isi akiri muto, yemeye ko atarishe ikori ry'amahera menshi.

Yemeye ko yagomba kuba yararishe ibiro bijejwe ikori mu Budage, amahera imiriyoni 27 z'ama Euro, ku mahera yungutse ku soko y'amafaranga abicishije mw'ibanki yo muri Swisse.

Bwana Hoeness yari yemeye gutanga imihoho muri Bayern Munich, isanzwe ariyo ifise igikombe ca Buruya ca Champions League.

Ariko yaciye yemera kubandanya ako kazi n'amarira menshi, amaze kwumva abakunzi ba Bayern bariko bararirimba izina ryiwe.