Chelsea "bizayigora" gutsinda shampiyona

Ibiherutse kuvugururwa: 27 ukwa cumi na kabiri, 2011 - 19:06 GMT
Umutoza wa Chelsea, Andre Villas-Boa

Umutoza wa Chelsea, Andre Villas-Boa

Umutoza w'ikipe ya Chelsea yo mu Bwongereza, Andre Villas-Boas yiyemereye ko amahirwe yuko ikipe ye itsinda shampiyona ari make.

Nyuma yo kunganya n'ikipe ya Fulham ku kibuga cya Stamford Bridge ku wa mbere wa kino cyumweru, ikipe ya Chelsea ubu iri ku mwanya wa kane ku rutonde rwa shampiyona.

Amakipe ya Manchester United na Manchester City akaba ayirusha amanota 11 yose. Manchester City niyo iri ku mwanya wa mbere kuko irusha Man Utd ibitego.

Andre Villas-Boas yagize ati: "kubona Manchester City na Manchester United akomeje gutsinda, bituma bidukomerera kurushaho gusatira igikombe cya shampiyona".

Umutoza wa Chelsea kandi yahakanye amakuru avuga ko azaba afite ingengo y'imali ingana na miliyoni 140 z'amafaranga y'amapuwundi akoreshwa mu Bwongereza yo gukoresha agura abandi bakinnyi bashya mu kwezi kwa mbere.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.