Irekurwa ry'abaforomo b'abahinde muri Irak

  • 4 Ukw’indwi 2014
Abo baforomo bari barashimutswe n'intagondwa z'abayislamu
Abo baforomo bari barashimuswe n'intagondwa z'abayislamu

Abategetsi b'Ubuhinde baravuga ko abaforomo 46 b'abahinde bari barashimuswe n'abantu bakekwaho kuba intagondwa z'abayislamu mu majyaruguru ya Irak barekuwe.

Abo baforomo - biganjemo abakomoka mu ntara ya Kerala - bashyikirijwe abategetsi b'ubuhinde mu mujyi wa Irbil uri mu ntara igenzurwa n'abakurde.

Leta y'Ubuhinde yafashe icyemezo cyo kwoherezayo indege yo kubasubiza mu gihugu cyabo.

Abo baforomo bakoraga mu bitaro biri mu mujyi wa Tikrit igihe intagondwa z'abayislamu ziganjemo abasuni zo mu mutwe wa ISIS zahagabaga igitero.

Irekurwa ryabo ribaye hashije umunsi umwe harekuwe abashoferi b'amakamyo b'abanyaturikiya 32 bari mu maboko y'intagondwa zo mu mutwe wa ISIS.