Igisasu cyahitanye abantu 18 muri Nigeria

  • 1 Ukw’indwi 2014
Boko Haram imaze iminsi igaba ibitero mu mujyi wa Maiduguri
Boko Haram imaze iminsi igaba ibitero mu mujyi wa Maiduguri

Abantu 18 bahitanywe n'igisasu mu majyaruguru y'uburasirazuba bwa Nigeria.

Abandi barenga 50 bakomerekejwe n'icyo gisasu cyatezwe mu isoko ryarimo abantu benshi cyane mu mujyi wa Maiduguri.

Minisiteri y'ingabo muri Nigeria iravuga ko icyo gisasu cyari cyatezwe mu modoka yari yikoreye amakara.

Abagiteze ntabwo bari bamenyekana, ariko umutwe ugendera ku matwara akaze y'idini ya Islamu wa Boko Haram umaze igihe ugaba ibitero muri uwo mujyi wa Maiduguri nubwo bwose muri ako karere hakurikizwa amategeko adasanzwe y'umukwabo.

Mbere yaho, abategetsi ba gisirikare bari batangaje ko basenye itsinda rya Boko Haram maze banata muri yombi umukuru waryo.