BBC navigation

Intambara iraca ibintu muri Irak

Ibiherutse kuvugururwa: 13 ukwa gatandatu, 2014 - 19:01 GMT
Inyeshyamba za ISIS

Intambara muri Iraki yubuye

Umuvugabutumwa ukomeye w'umuShia muri Iraq yasabye abanyaIraq gufata intwaro bakarwanya intagondwa z'abaSunni zishaka gutera umurwa mukuru wa Baghdad.

Uhagarariye Grand Ayatollah, Ali al-Sistani yabivugiye mu masengesho yabereye mu musigiti wo mu mujyi wa Kerbala. Hari amakuru avuga ko hatangiye imirwano hagati y'impirimbanyi z'abaSunni n'iz'abaShia mu ntara ya Diyala.

Umushikiranganji w'imibano n'amahanga w'Amerika, yamaganye ayo macakubiri atangiye kwaduka mu banyaIraq, asaba abategetsi, guhamagarira abanyaIraq gushyira hamwe.

Umukuru w'Amerika, Barack Obama, nawe yavuze ko bigiye kumafata iminsi itari mike kugirango afate icyemezo ku nkunga bazaha leta ya Iraq. Gusa avuga ko nta ngabo z'Amerika bazohereza muri Iraq.

Hari amakuru kandi avuga ko ingabo za Iraq n'impirimbanyi zishyigikiye leta zageze mu mujyi wa Samarra aho intagondwa z'abayisilamu zishaka kwinjira ziturutse mu majyaruguru.

Umukuru w'umutwe umwe w'impirimbanyi yabwiye BBC ko ayoboye impirimbanyi zibarirwa mu majana kandi leta ikaba ifite ingabo zigera ku bihumbi 3 muri uwo mujyi.

Umushikiranganji wa mbere wa Iraqi Nouri al-Maliki nawe yagiye muri uwo mujyi kugira inama y'umutekano. Aho i Samarra niho hari umusigiti mukuru w'abaShia, witwa Al-Askari

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.