ICC irarega Bosco Ntaganda ibirego 18

  • 9 Ukwa gatandatu 2014
Bosco Ntaganda, uregwa ibirego 18 na ICC

Urukiko mpuzamahanga mpanabyaha rwemeje ko rwareze uwahoze ari umukuru w'inyeshyamba zo muri Congo, Bosco Ntaganda.

Abacamanza bo muri urwo rukiko bose bemeje ibirego 18 birimo ibyaha byakorewe mu ntambara, ibyakorewe inyoko muntu birimo no gufata abagore ku ngufu, kugira abantu abacakara bakoreshwa ibikorwa by'ubusambanyi, hamwe no gushyira abana mu gisirikare.

Bosco Ntaganda yarwanye mu mitwe itandukanye yo muri Repubulika Iharanira Demokarasi ya Congo, ariko ibi byaha aregwa bijyanye n'ibyo yakoreye mu ntara ya Ituri, hagati ya 2002 na 2003.