Inteko nshingamategeko ya Somalia yatewe

  • 24 Ukw’indwi 2014
Al-Shabaab yavuze ko ariyo yagabye icyo gitero
Al-Shabaab yavuze ko ariyo yagabye icyo gitero

Abantu byibura 10 baguye mu gitero cyagabwe ku nteko nshingamategeko ya Somalia mu murwa mukuru Mogadishu.

Ababibonye biba baravuga ko abagabo bitwaje intwaro zikomeye binjiye ku ngufu mu rupangu rw'inzu inteko nshingamategeko ikoreramo nyuma yaho igisasu giturikiye ku irembo ryayo.

Abadepite bari mu nteko icyo gihe bahise bavanvwa muri iyo nzu vuba vuba.

Abanyapolitiki babiri biravugwa ko bari mu bantu bakomeretse. Hari umudepite wabwiye BBC ko abagabye icyo gitero bakomeje kurasira ku gisenge cy'umusigiti uri hafi aho ngaho.

Abasirikare ba leta n'abo mu ngabo z'umuryango w'ubumwe bwa Afurika bahoherejwe.

Umutwe ugendera ku matwara akaze y'idini ya Islamu wavuze ko ariwo uri inyuma y'icyo gitero.