Impanuka y'ubwato muri Bangladesh

  • 15 Ukw’indwi 2014
Abashakisha abantu barohamiye mu bwato i Bangladesh

Ubwato bwarimo byibura abantu 200 muri Bangladesh bwarohamye kubera inkubi y'umuyaga.

Hari imirambo bakuye mu mugezi, Meghna, hafi y'umurwa mukuru Dhaka, abandi bagenzi benshi baburiwe irengero.

Ubwo bwato ubu buri munsi y'amazi.

Abashinzwe ibikorwa by'ubutabazi baravuga ko batazi neza aho buherereye.

Bangladesh ifite amateka y'impanuka mbi z'amato, kenshi amato aba atwaye abantu n’imitwaro birenze ubushobozi bwayo, kandi akoze nabi.