Ukraine: Amatora atemewe n'amategeko

  • 11 Ukw’indwi 2014
Amatora muri Ukraine
Kamarampaka

Mu burasirazuba bwa Ukraine habereye amatora atemewe n'amategeko ya kamarampaka yateguwe n'impirimbanyi zishyigikiye Uburusiya.

Abatora mu ntara za Donetsk na Luhansk bari kubazwa niba bashyigikiye amatangazo yo kwigenga bakava ku butegetsi bw'i Kiev. Ayo matora ararebererwa kandi abarurwe n'abayateguye.

Umunyamakuru wa BBC uri ku biro by'itora mu mujyi wa Mariupol yavuzeko ibyo yabonye ari akavuyo.

Ngo nta kintu gitandukanya ibyumba aho abantu barimo kwiyandikisha ngo bajye gutora.

Abagabo bitwaje ibirwanisho bashyigikiye leta ya Kiev bagize uruhare mu bikorwa byo kurasana byabereye mu mujyi wa Krasnoarmeisk, aho bahagaritse amatora kare.

Hari video yerekanywe ku rubuga rwa internet yagaragaje umuturage wishwe arashwe ku kuguru, hari n'undi wagaragaye ameze nkuwapfuye.

Leta zo mu burayi ziravuga ko ayo matora adakurikije amategeko.