Uburayi bwafatiye Uburusiya ibihano

  • 29 Ukwa kane 2014
Uburusiya bukomeje kuregwa guhungabanya umutekano wa Ukraine

Uburusiya bwamaganye ibihano bishya bwafatiwe n'Amerika n'umuryango w'ibihugu by'Uburayi.

Ibi bihano byatanzwe kubera ibyo ibyo bihugu byise ibikorwa by'Uburusiya byo guhungabanya umutekano muri Ukraine.

Uwungirije ministiri w'ububanyi n'amahanga, Sergei Ryabkov, yavuze ko ibi bihano by'Amerika bishobora kubangamira inzego z'ikoranabuhanga z'Uburusiya.

Uburusiya bwavuze ko umuryango w'ibihugu by'Uburayi ugomba guterwa isoni no kuba ukurikiza ibyemezo bya Leta zunze ubumwe z'Amerika.

Mbere y'aho, uwo muryango w'ibihugu by'Uburayi wari wavuze ko ibihano bishya byibasira abantu 15, barimo uwungirije ministiri w'intebe w'Uburusiya.

Ariko abakurikirana ibibera mu Burusiya bavuze ko Abarusiya bafatiwe ibihano badafite imyanya ikomeye nk'abari ku rutonde rwa Leta zunze ubumwe z'Amerika.