Miliyoni y'impunzi zo muri Syria i Libani

  • 3 Ukwa kane 2014
Impunzi zo muri Syria ziba Libani

Umuryango w'abibumbye wavuze ko umaze kubarura impunzi zo muri Syria zirenga miliyoni imwe muri Libani.

Mubyo ryise intambwe ibabaje, ishami ry'umuryango w'abibumbye rishinzwe impuzi, HCR, ryavuze ko kimwe cya kabiri cy'izo mpunzi, ari abana.

Uwo mubare w'impunzi za Siria muri Libani ngo ungana na kimwe cya kane cy'abaturage b'icyo gihugu.

HCR yavuze ko buri munsi yakira impunzi ibihumbi 250 zihunga imirwano muri Siriya.

HCR iravuga ko ubushobozi bwa Libani bwo kwakira izo mpunzi bwenda gushira.

Umuyobozi HCR, Antonio Guterres, yasabye amahanga gukora iyo bwabaga kugirango afashe Libani mu kwita kuri uwo mubare munini w'impunzi.