Musharraf yahamijwe icyaha cy'ubugambanyi

  • 31 Ukwa gatatu 2014
Pervez Musharraf wahoze ari perezida muri Pakistani

Urukiko rudasanzwe muri Pakistani rwahamije uwahoze ari umukuru w'ingabo, Pervez Musharraf, icyaha cy'ubugambanyi.

Ibi bishingiye ku gihe bwana Musharraf yashyiragaho amategeko avuga ko igihugu kiri mu bihe bidasanzwe no kuba atarakurikije itegeko nshinga mu 2007.

Ni ubwa mbere umuntu wahoze ayobora ingabo muri Pakistani ahamijwe n'icyaha cy'ubugambanyi mu rukiko rusanzwe.

Umunyamakuru wa BBC mu rukiko mu murwa mukuru Islamabad yavuze ko bwana Musharraf yasaga nkurakaye igihe basomaga ibirego.

Uyu mu jenerali uri mu gihe cy'ibiruhuko yavuze ko ari umwere ku birego byose bitanu aregwa, yongeraho ko atari umugambanyi.

Bwana Musharraf, wahoze ari umukuru w'igihugu, yakomejwe kuregwa ibyaha byinshi kuva aho yasubiye muri Pakistani avuye mu buhungiro umwaka ushize.