ICTR: Ndindiliyimana yagizwe umwere

  • 11 Ukwa kabiri 2014
Icyemezo k'ubujurire rwa Gen Augustin Bizimungu nticyatangajwe
Icyemezo k'ubujurire bwa Gen Augustin Bizimungu nticyatangajwe.

Urukiko mpuzamahanga rwashyiriweho Urwanda ruri Arusha rwagize umwere General Augustin Ndindiliyimana - wahoze ari umukuru wa Gendarmerie mu gihe cya jenoside yo muri 1994 mu Rwanda.

Urugereko rwa mbere rw'urwo rukiko rwari rwaramukatiye gufungwa imyaka 11.

Uwundi urugereko rw'ubujurire rwagize umwere ni Major Fran├žois-Xavier Nzuwonemeye wahoze ayoboye umutwe w'abasirikare bashinzwe ubutasi, wari warakatiwe gufungwa imyaka 20 n'urugereko rwa mbere.

Urukiko kandi rwagabanirije igihano Capitaine Innocent Sagahutu wari ku mwanya wa kabiri mu buyobozi bw'uwo mutwe w'abasirikare. Imyaka 20 yari yarakatiwe yagabanijwe ishyirwa kuri 15.

Urukiko ariko rwavuze ko icyemezo cyarwo k'ubujurire bwa General Augustin Bizimungu, wahoze ari umugaba w'ingabo mukuru z'Urwanda, kizatangazwa mu gihe kiri imbere.

General Augustin Bizimungu yakatiwe imyaka 30 mu rugereko rwa mbere.