Amerika yamaganye iyicwa rya Karegeya

  • 17 Ukwa mbere 2014
Patrick Karegeya wiciwe muri Afrika yepfo

Leta zunze ubumwe z'Amerika yamaganye iyicwa muri Afrika yepfo ry'uwahoze ashinzwe iperereza mu Rwanda, Patrick Karegeya.

Umurambo wa bwana Karegeya - wabaga mu buhungiro - wabonetse muri hoteli mu ntangiriro z'uku kwezi.

Umuvugizi wa ministeri y'ububanyi n'amahanga y'Amerika yavuze ko icyo gihugu cyatewe impungenge n'amagambo perezida w'Urwanda, Paul Kagame, aherutse kuvuga, aho yavuze ko hashobora kuba ingaruka kubagambaniye igihugu bose.

Yongeye ho ko hari impungenge zuko hakomeje kuba ubwicanyi bushingiye kuri politike ku banyarwanda bakomeye baba mu buhungiro.