BBC navigation

Philippines: Abantu bapfuye bashakisha ibiryo

Ibiherutse kuvugururwa: 13 ukwa cumi na rimwe, 2013 - 10:38 GMT
Typhoon Haiyan

Inkubi y'umuyaga muri Philippines yangije byinshi

Muri Philippines abantu 8 baguye mu nzu yaribitsemo umuceri igihe urukuta rwabagwaga ho bari muri yo nzu bashaka ibiryo.

Abo bantu bapfiriye mu nzu iri haze yu mujyi wangiritse cyane wa Tacloban.

Umushingamateka muri ako karere, Martin Romualdez, yavuze ko abantu bakeneye ibiryo, amazi n'imiti byihutirwa.

Yakomeje avuga ko kubera ikibazo cy'umutekano ko bikomeye kujyeza imfashanyo ku bantu, kandi ko hakenewe ibikorwa byihutirwa bya leta.

Bwana Romualdez yongeye ho ko akarere ku mujyi wa Tacloban kangiritse cyane, bikazasaba kubakwa bundi bushya.

Leta yavuze ko byibura abantu barenga 2200 baguye muri yo nkubi y'umuyaga ikomeye ya Haiyan.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.