Afrika yepfo irabaza Amerika gusaba imbabazi

  • 28 Ukw’icumi 2013
Tokyo Sexwale
Tokyo Sexwale yafatiwe ku kibuga k'indege muri Amerika

Afrika yepfo yaneguye Amerika nyuma yaho uwahoze ari umushikiranganji, akaba yaraharaniye urugamba rwo kurwanya ubutegetsi bwa gashaka buhake, afatiwe ku kibuga cy'indege cy'i New York muri Amerika.

Tokyo Sexwale, umucuruzi ukomeye muri Afrika yepfo, yafashwe kubera ko izina rye rikiri ku rutonde rw' Amerika rwakurikiranaga abo bavugaga ko batera ubwoba bo mw'ishyaka rya ANC.

Leta y'abanyamucye b'abazungu yari yarashyize ANC, aho bwana Sexwale ari mu buyobozi bukuru, nk'umutwe witera bwoba.

Umuvugizi wa ministeri y'ububanyi n'amahanga, Clayson Monyela, yahamije ko bwana Sexwale yafashwe ejo, ariko avuga ko yahagaritswe amasaha macye.

Amakuru aravuga ko bwana Sexwale yasubiye muri Afrika yepfo, akaba yasabye umucamanza we kuvugana n'ibiro bihagarariye Amerika mu mujyi wa Pretoria.

ANC, ishyaka riri k'ubutegetsi, ryavuze mu nyandiko ko leta y' Amerika igomba gusaba imbabazi.

Bwana Sexwale yafunzwe imyaka myinshi hamwe na Nelson Mandela, barwanya ivangura ry'amako muri icyo gihugu.