BBC navigation

Ubufaransa burasaba Amerika ibisobanuro

Ibiherutse kuvugururwa: 21 ukwa cumi, 2013 - 18:56 GMT
Ministri w'ububanyi n'amahanga w'Ubufaransa Laurent Fabius

Ministri w'ububanyi n'amahanga w'Ubufaransa Laurent Fabius

Uhagarariye leta zunze ubumwe z'Amerika mu Bufaransa yahamagajwe muri ministeri y'ububanyi n'amahanga y'icyo gihugu kugira ngo imubaze amakuru yasohotse mu kinyamakuru Le Monde avuga ko inzego z'ubutasi za Amerika zafashe mu ibanga mu Bufaransa ibiganiro kuri telefoni bibarirwa muri za miliyoni.

Ikinyamakuru Le Monde kivuga ko cyagendeye ku nyandiko kivuga ko zasohowe na Edward Snowden wahoze akorera inzego z'ubutasi z'Amerika ubu akaba yarahunze igihugu.

Icyo kinyamakuru kivuga ko mu gihe cy'ukwezi kumwe mu ntangiriro z'uyu mwaka hafashwe ibiganiro kuri telefoni birenga miliyoni mirongo irindwi.

Ministri w'intebe w'Ubufaransa, Jean Marc Ayrault, yatangaje ko ababajwe cyane n'ibyatangajwe n'icyo kinyamakuru.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.