Abandi bimukira 50 barohamye hafi ya Sicily

  • 12 Ukw’icumi 2013
Abimukira

Abantu 50 nibo baguye mu bwato bwari butwaye abantu barenga 250 bakekwa ko bari abimukira bajyaga ku mugabane w'uburayi, bwahungabanye bugeze hafi y'inkengera z' ikirwa cya Sicile.

Abacungera umutekano ku nkengero y'inyanja ya mediterane bo mu Butaliyani no muri Malta bashoboye kurokora abagera kuri 200.

Ibinyamakuru byaho bitangaza ko ubwo bwato bwubamye, bigashoboka ko bwoba bwibiriye hagati y' icyo kirwa cya Sicile n' igihugu cya Tunisia.

Ubwato bw'Ubutaliyani butewe inkunga na za kajuguju burimo burafasha aho iyo mpanuka yabereye.

Mu cyumweru gishize abantu barenga magana atatu bararohamye igihe ubwato bwari butwaye abimukira b'abanyafurkia bwagiriraga impanuka hafi y'ikirwa cy'Ubutaliyani cya Lampedusa.

Nta makuru arambuye y'ukuntu igikorwa cy'ubutabazi ku mpanuka y'ubwato yabaye uyu munsi kirimo kugenda.

Ibiro ntaramakuru AP biravuga ko abashinzwe kurinda imipaka y'Ubutaliyani ikora ku nyanja n'abategegetsi bo muri Malta baravuga ko ubwo bwato bwarohamiye mu mazi y'inyanja agenzurwa n'igihugu cya Malta.

Ingabo zirwanira mu kirere z'igihugu cya Malta nizo zabonye bwa mbere ubwo bwato mbere yuko basaba ko ubutaliyani buzifasha.

Abantu byibura 120 biravugwa ko bamaze gutabarwa. Ibiro ntaramakuru byo mu Butaliyani Ansa biravuga ko hari imirambo yabonetse mu mazi ariko aya makuru mutegetsi wari wemeza ko ariyo.