Italy: Abimukira bazashyingurwa mu cyubahiro

  • 9 Ukw’icumi 2013
Ernico Letta
Umushikiranganji wa mbere w'Ubutaliyani Ernico Letta

Umushikiranganji wa mbere w'Ubutaliyani Enrico Letta yavuze ko hazaba umunsi wo gushyingura mu cyubahiro abimukira b'abanyafurika barenga 270 baguye mu bwato bwarohamye hafi y'ikirwa cya Lampedusa mu cyumweru gishize.

Bwana Letta yasuye icyo kirwa ari kumwe n'umukuru w'akanama k'umuryango w'uburayi, Jose Manuel Barroso.

Abo bategetsi basuye izo mpunzi banajya kureba ahari imirambo yabaguye muri iyo mpanuka.

Bwana Barroso yavuze ko adashobora kwemera ko abantu ibihumbi bagwa ku mipaka y'ibihugu bigize umuryango w'ubumwe bw'uburayi.

Yatangaje ko bongereye amafaranga bahaga Ubutaliyani yo miliyoni 40 z'amadolar kugirango bushobore guhangana n'icyo kibazo cy'impunzi.